Etxebarrikoa jaiotzez, Berriatuan bizi da. Administrari ikasketak egindakoa gaztetxotan hasi zen literatura lehiaketetan parte hartzen. Geroago, Idazkuntza eta Itzulpengintza ikastaroa egin zuen UEUn eta Idazketa literarioa eta profesionala graduondoa Bergarako Idazle eskolan.
2010ean argitaratu zuen fikziozko lehen liburua, Tigreak hondartzan (Elkar). Ondoren hainbat titulu argitaratu ditu haur eta gazteentzat. 2014an Oihenart Aforismo lehiaketa irabazi zuen eta 2020an eta 2025ean Eusko Jaurlaritzaren Gazte literatura sortzeko Bekak eskuratu ditu. Lehenengo bekaren emaitza da Ezer ez da dirudiena ipuin bilduma (Elkar).
Kazetaritza eta dibulgazio alorrean herriko Urepel aldizkaria sortu eta gidatu zuen. Zenbait arte katalogo eta liburutako testuak idatzi eta itzuli ditu. Mikel Lertxundi eskultorearekin elkarlanean bi saiakera-liburu idatzi eta argitaratu ditu: Lertxundi euskaradun arte unibertsala (1988) (Argitalpen onenaren Euskadi saria 1989an) etaLertxundi, espazioa, lurra, denbora (2019).
Testu liburugintzan kolaboratu izan du Giltza eta Ibaizabal argitaletxeekin. Gaur egun literaturako edizio lanetan kolaboratzen du Ibaizabalekin.
Bere topaketetan
Ikasleek egindako galderak oinarri hartuta irakurketaren, idazketaren eta liburuen inguruan solastea atsegin du. Irudiekin lagunduta egiten ditu topaketak.
Gomendatutako irakurgaiak:
Izaroren izarra
Maribel Aiertza
Aitziber Alonso
Adina: 6-7
Armiarmak parapentean
Maribel Aiertza
Jokin Mitxelena
Adina: 8-9
Mara eta izar-saltzailea
Maribel Aiertza
Ainara Azpiazu "Azpi"
Adina: 8-9
Munstro bat edukiontzian
Maribel Aiertza
Mikel Santos "Belatz"
Adina: 8-9
Asteburua landetxean
Maribel Aiertza
Alai Zubimendi
Adina: 10-11
Jauregiko sekretua
Maribel Aiertza
Aitziber Alonso
Adina: 10-11
Txirolo
Maribel Aiertza
Manu Ortega
Adina: 10-11
Ezer ez da dirudiena
Maribel Aiertza
Adina: 14-15
Tigreak hondartzan
Maribel Aiertza
Adina: 14-15
