Miren Agur Meabe (Lekeitio, 1962). Magisteritza eta Euskal Filologia ikasi zituen, eta irakaskuntzan eta euskarazko testuliburugintzan (Giltza argitaletxean) aritu zen hainbat urtetan. Helduentzat nahiz haur eta gazteentzat idazten du, bai prosa, bai poesia.
Katta bilduma ospetsuaren sortzailea da.
Literatur itzulpen ugari egin du, eta bi aldiz jaso du Vitoria-Gasteiz haur eta gazte itzulpen saria.
Nazioarteko topaketa askotan parte hartu du, Dublin Festival Writers 2003an, Vjlenicako XXI. Literatur Jaialdia (Eslovenia, 2006), Edimburgeko Liburu Jaia (2007), Vienako Cervantes Institutua (2008), Santa Barbarako eta Renoko Basques Studies Center (2008), Frankfurteko Liburu Azoka (2009) eta abar.
Literatur itzulpen ugari egin du, eta bi aldiz jaso du Vitoria-Gasteiz haur eta gazte itzulpen saria.
Jasotako sari batzuk:
- Kritikaren saria jaso zuen 2001ean eta 2011n Azalaren kodea eta Bitsa eskuetan poema-liburuengatik
- Euskadi saria hiru aldiz Itsaslabarreko etxea (2002), Urtebete itsasargian (2006) eta Errepidea (2011) gazte-nobelei esker
- Mila magnolia-lore albuma 2012ko eta 2022ko IBBYren Ohorezko Zerrendan ageri dira
- Mikel Zarate saria lortu zuen 2020an, Itsasoaren Atea lanarekin


































